За нас — Бизнис Клиника

Како работиме

Три принципи што одредуваат сè друго.

Практично, на самиот бизнис

Не работиме со примери и не оставаме презентација. Работиме со Вашите вистински бројки, Вашите вистински клиенти и Вашите вистински документи.

Ги идентификуваме клучните области — и работиме на нив

Не сè одеднаш. Прво мериме каде застанува бизнисот, па работиме таму каде ефектот е најголем.

Работиме заедно — за следниот пат да можете сами

Ова е суштината. Не ја работиме работата наместо Вас: ја работиме со Вас, и Ве учиме како се прави. Кога ќе завршиме, знаењето и системот остануваат кај Вас — не кај нас.

Кој стои зад ова

Ко-основачи

Дане Тодоровски

Ко-основач

Дане Тодоровски има над 15 години практично искуство во водење бизниси — на C-level раководни позиции низ повеќе индустрии, како претприемач што градел сопствени бизниси, и како советник на десетици мали и средни компании. Токму затоа Бизнис Клиника не советува од страна: работи од позиција на некој што седел во столот на сопственикот и ги знае одлуките што не чекаат. Зад сето тоа стои искрена страст кон бизнисот — кон тоа да се направи бизнис што работи, расте и вреди.

Даниел Поп-Иванов

Ко-основач · Финансии

Даниел Поп-Иванов ја носи финансиската страна на Бизнис Клиника. Со искуство во финансиско планирање, буџетирање, известување и управување со средства во комплексни организации, тој ги претвора бројките во јасност со која сопственикот носи одлуки. Формално образован во финансиско управување, работи на тоа финансиите да престанат да бидат магла — маржи, готовина и план што се гледаат навреме.

Пристап

Повеќето консултанти советуваат.
Ние работиме со вас.

Влегуваме во бизнисот, ги идентификуваме клучните проблеми и градиме ред што останува.

01 Проверка

Објективна и системска процена на вистинските проблеми.

02 Дефиниран исход

Точно знаеме на што работиме и што е очекуваниот исход.

03 Алатки што остануваат

41 работен документ и системски основи што продолжувате да ги користите и откако ќе завршиме.

04 Вистински бројки

Не работиме со примери. Работиме само со вистински податоци.

05 Оператор, не предавач

Работиме директно со Вас и тимот, не само во советување.

06 Долгорочна поддршка

Од еднократна интервенција до постојана поддршка. Онолку колку што е потребно за Вашиот успех.

Апликација на Бизнис Клиника

Работата живее на едно место.

Секој клиент добива свој пристап до апликацијата на Бизнис Клиника — задачи со рокови, распоред на сесиите, сите материјали, и извештаите од проверките на бизнисот.

Ништо не се губи во мејлови. И по завршувањето, сè останува достапно.